لاهور شێخ جەنگی، سەرۆکی زیندانیکراوی بەرەی گەل خۆشحاڵی خۆی بە وەرگرتنی پۆستە نوێیەکەی بەرهەم ساڵح وەک کۆمسیاری نەتەوەیەکگرتووەکان بۆ کاروباری پەنابەران دەربڕیوە. کەسوکاری لاهور شێخ جەنگی بە میدیای (زووم)ی نزیک لە لاهور شێخ جەنگیان راگەیاندووە "هەواڵی وەرگرتنی پۆستەکەی بەرهەم ساڵحمان بۆ لاهور شێخ جەنگی باسکردووە، لە بەرامبەردا ئەویش پیرۆزبایی لێکردووە و وتویەتی، شایستەی پۆستی باڵای نێودەوڵەتییە و لە ناخى دڵەوە خۆشحاڵم".