#بوار

مەکتەبی سیاسیی پارتی دیموکراتی کوردستان لە ڕاگەیاندراوێکدا، داوا لە لایەنە سیاسییەکان دەکات بەپەلە پەرلەمان کارابکەنەوە.

مەکتەبی سیاسی پارتی، ڕوونیکردووتەوە، پاش هەڵبژاردنی خولی شەشەمی پەرلەمان و سەرەڕای پێشکەشکردنی چەندین سیناریۆ و دەستپێشخەری لەلایەن سەرۆک مەسعود بارزانی و پارتییەوە بۆ پێکهێنانی کابینەی دەیەم و کاراکردنەوەی دامەزراوەکان، بەڵام بەدەنگەوەهاتنی ئەرێنی پێویست لەلایەن لایەنەکانەوە نەبووە.

پارتی داوا لە سەرجەم ئەو لایەنە سیاسییانە دەکات، کە کورسییان لە پەرلەماندا هەیە، کێشەکان لە میدیاکانەوە بەرنە ناو هۆڵی پەرلەمان و لەوێوە لە ڕێگەی گفتوگۆیەکی بەرهەمدارەوە بڕیار لەسەر چارەسەرەکان بدەن و هەمووان پابەندی بن، بەمەبەستی دەربازبوون لەم چەقبەستووییە سیاسییە و پاراستنی دەستکەوتەکانی هەرێم.