نەخۆشخانەی هەرس و جگەری فێركاری سلێمانی بڵاویكردووەتەوە، تیمێكی پزیشكی لە نەخۆشخانەكەیان هەستان بە دەرهێنانی دراوێكی ئاسنی بیانی لەسورێنچكی هاوڵاتییەكی تەمەن 22 ساڵ. بە وتەی پزیشكانی نەخۆشخانەكە، هاوڵاتییەكە لە كاتی كردنی یاری جادووی لەگەڵ ئەندامانی خێزانەكەی، بەهەڵدانی دراوەكە چەند جارێك بۆ سەرەوە و پاشان گرتنەوەی كە گوایە دیار نامێنێت، لە كۆتا جاردا دراوەكە كەوتووەتە سورێنچكی هاوڵاتییەكە. ئاماژەیان بەوەشكردووە، تیمە پزیشكییەكە سەركەوتوو بون لەوەی بتوانن ئەو دراوە لە سورێنچی ئەو هاووڵاتییە دەربهێنن.