عربي
بوار، تایبەت
سەرۆكی پێشووتری ئێران لە گرتەیەكی فیدیۆدا دەردەكەوێت كە وتار بۆ كۆمەڵێك كەس پێشكەش دەكات زانیارییەك ئاشكرا دەكات كە ئەمڕۆ وەك خۆی هاتووەتەدی، سێ ساڵ پێش ئێستا ئەو دەڵێت" ئەمەریكا و ڕوسیا لەسەر هێرشكردنە سەر ئۆكرانیا و ئێران ڕێككەوتوون"
ئەحمەدی نەژاد، سەرۆكی پێشووتری ئێران سێ ساڵ پێش ئێستا ڕایدەگەیەنێت كە زانیاری هەیە ئەمەریكا و ڕوسیا ڕێككەوتوون كە ڕوسیا هێرش بكاتە سەر ئۆكرانیا ئەمەریكا بێدەنگ بێت و لەبەرامبەردا ئیسرائیل هێرش بكاتە سەر ئێران ڕوسیاش بێدەنگ بێت.
ئێرانییەكان لە تۆڕە كۆمەلایەتییەكان ئەم گرتە ڤیدیۆیەی ئەحمەدی نەژاد دەستاو دەست پێدەكەن و دەڵێن" ئێستا بەچاوی خۆمان دەبینین ئەحمەدی نەژاد راستی وت" سێ ساڵ پێش ئێستا ئەمەریكا و ڕوسیا ڕێككەوتوون لەسەر ئەمەی ئێستا ڕوودەدات.
ئێرانییەكان ئەوەش دەڵێن كە بە درێژایی مێژوو ڕووسەكان هاوپەیمانی ڕاستەقینەی ئێرانییەكان نەبوون، هەمیشە ڕووسەكان ئێمەیان فرۆشتووە، ئێستاش كە شەڕی ڕوسیا و ئۆكۆانیا لەلایەك و ئێران و ئیسرائیل لەلایەكی دیكەوە هەستاوە، پرسیاری ئەوە دەكەن ئەحمەدی نەژاد ئەو زانیارییانەی لەكوێ دەستكەوت؟
