ئەنجومەنی باڵای دادوەری عێراق رایگەیاندووە، ئامارەكانی جیابوونەوەی هاوسەران لە مانگی تەمموزدا بەراورد بە مانگی رابردوو بەرزبووەتەوە، هاوكات ئاماری هاوسەرگیریش كەمیكردووە. ئەنجوومەنی باڵای دادوەری عێراق ئامارەكانی هاوسەرگریی بۆ مانگی تەمموز بڵاوكردەوە بەجۆرێك لە شارەكانی عێراق لە مانگی حەوتدا 22 هەزار و 677 كەس هاوسەرگیرییان كردووە، هاوكات شەش هەزار و 910 هاوسەر جیابوونەتەوە. ئاماژەی بەوەكردووە، ئاماری جیابوونەوەی هاوسەران بەراورد بە مانگی رابردوو حوزەیران بەرزبووەتەوە بەجۆرێك لە مانگی حوزەیراندا پێنج هەزار و 28 هاوسەر جیابوونەتەوە. ئەوەشخراوەتە روو، ئامارەكانی هاوسەرگیریش بەراورد بە مانگی رابردوو تر كەمیكردووە بەجۆرێك لە مانگی حوزەیراندا 28 هەزار و 222 كەس هاوسەرگیرییان كردووە.