ئەمڕۆ لەشاری هەولێریش بارەگای بزووتنەوەی پەیوەندی ئیسلامی کرایەوە. د.محەمەد بازیانی، سەرکردە لە بزووتنەوەی پەیوەندی ئیسلامی بڵاویکردەوە، ئەمڕۆ لە مەراسیمێکدا بەئامادەبوونی ڕابەری گشتی و ژمارەیەک لەئەندامانی مەکتەبی سیاسی و ئەنجومەنی سەرکردایەتی و بەرپرس و کارگێرانی مەڵبەندو بەشێک لە ئەندامان و لایەنگرانی بزووتنەوەی پەیوەندی ئیسلامی و چەند میوانێک، بارەگای مەڵبەندی هەولێری بزووتنەوەی پەیوەندی ئیسلامی کرایەوە. بزووتنەوەی پەیوەندی ئیسلامی کامیل حاجی عەلی سەرۆکایەتی دەکات و دوو ساڵ لەمەوبەر لە بزووتنەوەی ئیسلامی جیابوونەوە، بارەگای سەرەکیشیان لە شاری سلێمانییە.