بڕیاردان لە ناردنی موچەی مانگی شەشی فەرمانبەرانی هەرێمی كوردستان لە لایەن حكومەتی عێراقییەوە پەیوەندی بە هیچ ڕێككەوتنێكی نێوان هەرێم و بەغداوە نەبووە، بەڵكو پەیوەندی بە فشارەكانی ئەمریكاوە هەبووە. بەپێی زانیارییەكانی بوار، ستیڤن ڤاگن، كاربەڕێكەری باڵیۆزخانەی ئەمریكا لە عێراق لە چەند رۆژی ڕابردوو فشاری لە بەرپرسانی حكومەتی عێراق كردووە كە موچەی فەرمانبەرانی هەرێمی كوردستان ڕەوانە بكەن. دوای فشارەكانی ئەو بەرپرسەی حكومەتی ئەمریكا لە عێراق، سودانی بەدوای ڕێگە چارەیەك گەڕاوە بۆ ناردنی موچە. بەپێی زانیارییەكان، بۆ ڕەچاوكردنی نیگەرانییەكانی ئەمریكا لە حكومەتی عێراق، محەمەد شەیاع سودانی بابەتی موچەی فەرمانبەرانی هەرێمی بردووەتە كۆبونەوەی ئەنجومەنی وەزیران و لەو كۆبونەوەیە بڕیار لەبارەی ناردنی موچەوە دراوە بەبێ هیچ مەرجێكی پێش وەختە.