‌ حکومەتی هەرێمی کوردستان ڕایدەگەێنێت، کۆمپانیاکانی «دانا غاز» و «کرێسنت پترۆلیۆم» بەبێ ڕەزامەندیی حکومەت و بە تاکلایەنانە دەستیان بە ناردنی غازی کۆرمۆر کردووە بۆ بەغدا.

 حکومەتی هەرێم، ئەم هەنگاوە بە پێشێلکاریی گرێبەستەکە و ڕەتکردنەوەی داواکارییەکانی هەرێم بۆ دابینکردنی غازی وێستگەکانی خۆی دەزانێت.

 سوپاسگوزاریی کۆمپانیاکان بەرامبەر حکومەتی هەرێم بە ناڕاست و چەواشەکارانە وەردەگیرێت، چونکە هیچ ڕێگەپێدانێک نەبووە.

حکومەتی هەرێم سەرقاڵی هەڵسەنگاندنی لێکەوتە یاساییەکانە و ڕێوشوێنی پێویست بۆ پاراستنی مافەکانی دەگرێتەبەر، لەگەڵ بەردەوامیی هەماهەنگی لەگەڵ بەغدا لە چوارچێوەی یاسادا.