عربي
وه‌زیرى ناوخۆى هه‌رێمى كوردستان رایده‌گه‌یه‌نێت، رێككەوتنی هەولێرو بەغداد له مانگى رابردوو په‌سه‌ندكرا هەندێك بابەتی تێدایە لە دەرەوەی یاساو دەستورە. رێبه‌ر ئه‌حمه‌د، وه‌زیرى ناوخۆى حكومه‌تى هه‌رێمى كوردستان له كۆنگره‌یه‌كى رۆژنامه‌وانى رایگه‌یاند: رێككەوتنی هەولێرو بەغداد هەندێك بابەتی تیادایە لە دەرەوەی یاساو دەستورە و بۆ خاتری ئەوەی موچە بۆ خەڵك دابین بكرێت، سەرۆكی حكومەت و ئەنجومەنی وەزیران ئەو رێكەوتنەیان پەسەندكرد، تا هیچ بەهانەیەك بەدەست بەغدادەوە نەمێنێت. رێبه‌ر ئه‌حمه‌د راشیگه‌یاند: جێی داخە حكومەتی فیدراڵی بەوشێوە مامەڵە لەگەڵ موچەی هەرێمی كوردستان دەكات وپەیوەندی ئێمەو بەغداد دەستورە، دەبێت كۆتایی بە دژایەتیكردنی خەڵكی كوردستان بهێنرێت.
