پارتی دیموكراتی كوردستان، ئامادەنییە دەستبەرداری ئەژی ئەمین ببێت و لەسەر دۆسییەی لالەزار ڕادەستی یەكێتی نیشتیمانی كوردستانی بكات. بەپێی زانیارییەكانی بوار، لە دوای ڕووداوەكانی لالەزار و بڵاوكردنەوەی دانپێدانانی گروپێك كە گوایە بە پشتیوانی ئەژی ئەمین، لاهور شێخ جەنگی ویستویەتی بافڵ تاڵەبانی تیرۆربكات. بەرپرسانی پارتی، ئەژی ئەمینییان ئاگاداركردووەتەوە كە بەردەوام بێت لە كارەكانی خۆی و ئەوان بە هیچ شێوەیەك ناوبراو ڕادەستی هیچ هێزێك ناكەن. بەپێی زانیارییەكان، یەكێتی دەیەوێت دۆسییەی ئەژی ئەمین لەگەڵ پارتی دیموكراتی كوردستان بوروژێنێت و ڕادەستكردنی ناوبراو ببەستێتەوە بە بەردەوامیدان بە گفتوگۆكانی نێوانیان.