جێگری سەرۆكی فەرمانگەی پەیوەندییەكانی حكومەتی هەرێم ئاماژەبەوەدەكات، هەریەك لە بەریتانیا و ئەڵمانیا و چەند وڵاتێكی دیكەی ئەوروپا بڕیاریانداوە زیاتر لە 60 هەزار پەنابەری عێراقی بەشێوەی زۆرەملێ دیپۆرت بكەنەوە، كە زیاتر لە نیوەیان كوردن. دابان شەدەڵە، جێگری سەرۆكی فەرمانگەی پەیوەندییەكانی حكومەتی هەرێم ڕایگەیاند: ئەو 60 هەزار پەنابەرەی كە بڕیارە لە ئەوروپاوە دیپۆرتی عێراق بكرێنەوە، زیاتر لە نیوەیان كوردن و خەڵكی هەرێمی كوردستانن. ئاماژەی بەوەشكردووە، ئەو وڵاتانەی كە بڕیاریانداوە ئەو پەنابەرانە دیپۆرت بكەنەوە بە لایەنی عێراقیان ڕاگەیاندووە، ئەگەر ئەو پەناخوازانە وەرنەگرنەوە، ئەوا پێدانی ڤیزا بۆ هاوڵاتییانی عێراق ڕادەگرن و تەنانەت بۆ بازرگان و كەسە دیپلۆماسییەكانیش پێدانی ڤیزا سنوردار دەكرێن.
عربي
